N’ANGIULILLO
di Claudio Pennino
Tenimmo tuttequante
n’angiulillo
ca veglia e ce cunziglia ore e mmumente,
cu ’e scelletelle, tunno e rricciulillo,
ce vola ’int’ ê penziere alleramente.
Si ce purtammo bbuono, cu ’a
resella,
isso accunsente e ce porta p’ ’a mana.
Quanno nascimmo scenne da na stella,
e, nzieme a nuie, se sta na vita sana.
E ce accumpagna pe scanzà ’e
malanne,
facenno luce addó truvammo ’o scuro,
e, pure si campammo cchiù ’e cient’anne,
isso rummane sempe nu criaturo.
ca veglia e ce cunziglia ore e mmumente,
cu ’e scelletelle, tunno e rricciulillo,
ce vola ’int’ ê penziere alleramente.
isso accunsente e ce porta p’ ’a mana.
Quanno nascimmo scenne da na stella,
e, nzieme a nuie, se sta na vita sana.
facenno luce addó truvammo ’o scuro,
e, pure si campammo cchiù ’e cient’anne,
isso rummane sempe nu criaturo.
(da Vela 'e penziere, 1999)
