 |
| ca mo assapurammo ’int’ ’e vase |
’STU TIEMPO
di Claudio Pennino
’Stu tiempo chi ’o ssape si dura;
’stu tiempo felice
ca nuie ce magnammo
comm’ acene d’uva;
’stu tiempo ch’è ’o nuosto
e nun ce appartene,
ca nuie astrignimmo
’int’ ê braccia cuntente,
’stu tiempo senzuso
ca mo assapurammo ’int’ ê vase.
ca mo assapurammo ’int’ ê vase.
Chi ’o ssape ’stu tiempo si dura,
o si dint’ a ll’uocchie
ce resta surtanto ’o ricordo
’e ’sti iuorne felice;
ce resta ’o calore ’e ’sti bbraccia astrignute,
e mmocca ’o sapore
d’ ’e vase perdute.
(da Acqua salata, 2019)
