Cacciano ll'ore 'e iuorne

 

nun c’è cche ffà, accussì ggira ’o munno

CACCIANO LL’ORE ’E IUORNE
 
 
Cacciano ll’ore ’e iuorne, e ’e iuorne ’e mise,
e cchiste, male a nnuie, cacciano ll’anne.
Tutte quante a nu filo stammo appise,
chine ’e paure e càrreche d’affanne.
 
’A primmavera more e trase autunno,
nun c’è cche ffà, accussì ggira ’o munno:
tu pienze ’e restà bbella eternamente,
ma manco ’o specchio cchiù te tene mente.
 
© Claudio Pennino