Quanno ce vo, ce vo!

IN LIBRERIA

Il libro non è un manuale di maleducazione o di volgarità, quanto piuttosto uno spaccato popolare e folcloristico della nostra parlata. “Quanno ce vo, ce vo” è in realtà un divertente prontuario di schiette, liberatorie e ironiche invettive. Queste pagine ne spiegano il significato e la loro origine di cultura popolare e di aneddoto storico.

Si vuie m'addimannate

I’ songo chillu tale

ca guarda ancora ’o cielo

SI VUIE M’ADDIMANNATE

di Claudio Pennino

Si vuie m’addimannate:

« Ogge quant’anne hê fatte? »

I’ me ll’aggio cuntate:

so’ cinquant’anne esatte.

Ma si ’a copp’ ’a mano,

n’amico se ne vene

e, dint’ â recchia, chiano,

me fa: « Quant’anne tiene? »

Allora dint’a niente

nun songo cchiù sicuro,

e dico mmiez’ ê diente:

« Me sento nu criaturo! »

I’ songo ancora chillo

ca, ’ndifferentemente,

si vede nu sciurillo,

ncantato ’o tene mente.

Chillo ca ogne matina

se fa ’e castielle ’e ’naria,

e cerca ’int’ammuina

na vita sulitaria.

Ca tene sentimento

p’ ’e ffronne ’e copp’ â pianta,

e tanno è cchiù cuntento,

quanno n’auciello canta.

Ca prova tennerezza

p’ ’e mmane d’ ’e ccriature,

e vede ’int’ â munnezza,

’o munno cu ’e culure.

I’ songo chillu tale

ca guarda ancora ’o cielo,

e dice, o bene o male,

quaccuno ce ha dda stà.

E tremm’ ’int’ ê ddenocchie,

pecché comm’a scentelle

me restano ’int’a ll’uocchie,

’e lluce ’e tutt’ ’e stelle.

(da Primma ca scura notte, 2009)

Venerdì napoletano