'O specchio rutto

P’arraggia hê fatto ’o specchio mille piezze

’O SPECCHIO RUTTO

di Claudio Pennino

P’arraggia hê fatto ’o specchio mille piezze,

e, mille vote, chistu specchio rutto,

me dice ca tu m’odie e me dispriezze,

ca mo è fernuto ’o bello e vene ’o brutto.

E veco p’ogne crastula ’sta faccia,

ca smaledice, strilla e m’amminaccia...

ma si surtanto faie nu pizzo a riso,

io veco mille vote ’o paraviso.

(da Villanelle, 2016)