Maggio

Mammà sciglieva ’e rrose ’e chistu mese

dint’ ’o ciardino, ’e rrose cchiù addurose

MAGGIO

di Pasquale Ruocco

Mammà sciglieva ’e rrose ’e chistu mese

dint’ ’o ciardino, ’e rrose cchiù addurose

e ghieva tutte ’e ssere dint’ ’a chiesa

c’ ’o tulle niro e cu nu fascio ’e rose.

Stasera ’a chiesa è nu ricamo d’oro,

ma tu nun puorte ’e rrose pe’ Maria:

e ogne maggio che passa, attuorno ’o core,

me lassa ’e spine d’ ’a malincunia.