 |
| I’ stevo ’e faccia e Isso appiso ô muro |
I’ SO’ CCHILLO...
di Claudio Pennino
I’ stevo ’e faccia e Isso appiso ô muro:
« I’ so’ cchillo ca s’è scurdato ’e Te!
- dicette annascunnennome ’int’ ’o scuro -
e Tu, Tu t’arricuorde ancora ’e me?
I’ songo cchillo ca t’ha iastemmato
quanno ’e ccose nun ghieveno a dderitto.
E cchillo so’ ca, doppo, t’ha priato
quanno me so’ truvato dint’ ’o stritto.
Nzomma – cuntinuaie – i’ so’ cchillo
ca piglià se vuleva ’o posto tuio,
quanno nun saccio stà, nu pucurillo,
nemmanco ô pizzo mio, ca lasso e fuio.
E po’, comm’ommo, ’o posto tuio qual è?
Ncopp’a na Croce! Chisto è ’o trattamento?
Tu vide quanta presunzione. Embè,
faie buono si mm’abbrusce a ’stu mumento.
I’ so’ cchillo ca s’è scurdato ’e Te!
E Tu? Tu no. Tu me tenive mente.
Me purtave, senza te fà vedé,
quann’ero nu cecato mmiez’ â ggente.
E t’aggio ntiso quanno me parlave
e me sanave ’o core d’ ’e ppaure...
e t’aggio visto quanno mm’abbracciave
strignennome cu ’e mmane d’ ’e ccriature. »
(da Primma ca scura
notte, 2009)
Claudio cosa dire organizzare una serata x solo poesie eascoltari fino all alba senza stancarsi io già ne ero a conoscenza anche quando eravamo in servizio nella galleria dicevo alla buona anima di Peppe Parmentola CH PCCAT MARISCIà ovrit a chill e nu grand artist assaie assaie chiù e me.Pccat ca avut o destino e fa nata cosa ca nun è chell ca vulev iss.Ti abbraccio equello che ho scritto scusa x il napoletanomi viene dal mio cuore .In bocca alla balena.
RispondiElimina