Aggio truvato nterra

n’aniello cu na preta a forma ’e stella

AGGIO TRUVATO NTERRA

di Claudio Pennino

Aggio truvato nterra, mmiez’ â via,

n’aniello cu na preta a forma ’e stella;

chi ’o purtava, e nun dico buscia,

cchiù certo tene ’a mana piccerella.

Si mo nun songo troppo facciatosta,

faciteme pruvà si a vvuie ve trase...

e si chist’anelluccio è rrobba vosta,

pe ricumpenza, me ne date vase.

(da Villanelle, 2016)