ca ’o scamazzaie senz’avé pietà!

NU  SCARRAFONE

di Claudio Pennino

Nu scarrafone dint’ a nu pertuso,

se lamentava triste e scunzulato,

ca nu penziero, dint’ ’o core nchiuso,

nun ’o faceva ’a notte arrepusà.

« Pecchè – diceva – mmiezo a ttante e ttante,

so’ nnato iusto scarrafone e nniro?

Putevo avé culure cchiù sgargiante

e comme a na farfalla svulazzà?…

Ma si’ chist’ è ’o destino, benaccetto,

vo’ dì  ca i’ vaco quant’ a n’elefante.

Nisciuno nasce senza nu pruggetto,

e chi po’ dì  addó stà ’a felicità…»

Caccianno allora ’antenne, ’o scarrafone,

dicette, ascenno a ll’aria: « ’A vita è bella! »

Ma se truvaie passanno nu guaglione,

ca ’o scamazzaie senz’avé pietà!

(da Vela ’e penziere, 1999)