'A funtanella

 

Ce sta na funtanella ’int’ ’o ciardino

’A FUNTANELLA

di Claudio Pennino

Ce sta na funtanella ’int’ ’o ciardino
ca m’ha fatto nu nciarmo o na fattura.
Ll’acqua, cchiù ddoce ’e chella d’ ’o Serino,
me fa venì cchiù ssete adderittura.

Me stono manco ’st’acqua fosse vino,
ma nun me sazio, né se stuta ’arzura.
Vocca ’e cerasa lassa ca te coglio,
ca cchiù rriale vase e i’ cchiù nne voglio.

(da ’A strata d’ ’e stelle, 2001)