Quanno vuó tu

 

quanno vuó tu, basta ca vutte e trase

QUANNO VUÓ TU

di Claudio Pennino



Torna quanno vuò tu, ca io t’aspetto,
avessen’ ’a passà pure cient’anne;
me truove sempe pronto, e cu rispetto,
’o posto mio è ccà, stongo ê cumanne.

T’aspetto e conto ll’anne, ’e mise e ll’ore,
e si me vence ’o suonno e dormo quase,
nun te dà pena, i’ lasso apierto ’o core,
quanno vuó tu, basta ca vutte e trase.

(da Villanelle, 2016)