I' vulesse sunnà

Che pienze,

tu ca si’ nata sulamente aiere?

I’ VULESSE SUNNÀ

di Claudio Pennino

                                a Claretta

I’ vulesse sunnà

’e stessi suonne tuoie,

e vulesse cunoscere ’e te

tutt’ ’e penziere.

Che pienze,

tu ca si’ nata sulamente aiere?

E vulesse vedé cu ll’uocchie tuoie

pe vedé pur’io nu munno nuovo...

cchiù bello ’e chillo ca tenimmo.

Pecché tu,

vedenno quant’io te voglio bene,

pienze ca ’o munno è chisto.

E accussì,

tu ca nun tenive ancora nu penziero,

mo già saie ched’è ’o bbene.

© Claudio Pennino