Ce sta n'aucelluzzo

ch’è affatturato e tene ’e ppenne d’oro

CE STA N'AUCELLUZZO

di Claudio Pennino

Ce sta n’aucelluzzo mmiez’ ê ffronne,

ch’è affatturato e tene ’e ppenne d’oro.

Quanno t’affacce, ’o mpiso, s’annasconne,

e ’a miez’ ê ffrasche canta: « I’ pe tte moro…»

Sott’ ’a fenesta toia, tutt’ ’a nuttata,

aggio cantato e nun te si’ affacciata.

E ’aucelluzzo, c’ ’o bbeccuccio ’argiento,

m’ha ditto: «’Sti suspire vanno ô viento!»

(da Villanelle, 2016)