'O campaniello affatato

Tengo nu campaniello ch’è affatato

’O CAMPANIELLO AFFATATO

di Claudio Pennino

Tengo nu campaniello ch’è affatato:

legge ’int’ ’o core â nnammurata mia.

È tutt’ ’e prete d’oro tempestato,

e sona quanno sente na buscia.

C’ ’a mana ncopp’ ô core me giuraste:

« Cu tte pe tutt’ ’a vita! » e m’abbracciaste.

E ’o campaniello, ca st’appiso fora,

son’ ’a tre ghiuorne e nun se ferma ancora.

(da Villanelle, 2016)