'A cura d' 'e vase

 

e nfino e â sera... uno appriesso a n’ato

’A CURA D’ ’E VASE
 
di Claudio Pennino
 
 
 
Si ’e vase tuoie fosseno mmericina,
comme vurria cadé bbuono malato;
’o miereco dicesse: « Uno â matina,
e nfino e â sera... uno appriesso a n’ato ».
 
Si mmericina fosseno, e ’o vvulesse,
’o miereco ’e cuscienza te dicesse:
« Si doppo dduie tre gghiuorne nun se sana,
continuate ’a cura na semmana! »
 
 
(da Villanelle, 2016)