Freva

Chesta freva d’ammore m’ha pigliato,

e nun me lassa, e nun me lassa cchiù.

FREVA

di Edoardo Nicolardi

Sto’ malato, m’ ’o ssento. Sto’ malato.

Chi nn’have ’a colpa e ’a causa si’ tu.

Chesta freva d’ammore m’ha pigliato,

e nun me lassa, e nun me lassa cchiù.

Chisà ’sta malatia quanno m’abbocca,

già ca me fa suffrì senza sparagno.

Tanto m’ha ndebbulito ca, si attocca,

io – ch’aggio fatto chiagnere – mo’ chiagno!

E tu me sai’ malato, e vai’ luntano.

Pecché ’stu core tuio nun te ntartene?

E me vurrìa sanà, ma nun me sano...

Vurrìa murì, ma manco ’a morte vene!