 |
| Ma tu me manche assaie… |
MO PASSA
di Claudio Pennino
madrigale
« Mo passa – i’ stesso dico - mo me passa
chesta malincunia ca nun me lassa. »
E allora nun ce penzo,
e vaco mmiez’ ’a ggente
e cerco, a ’sti gghiurnate, ’e dà nu senzo,
e a chistu core ardente,
na mana a sgravuglià chesta matassa.
E tanno dico: « ’O ssento… mo me passa… »
Ma tu me manche assaie…
e ’sta malincunia nun passa maie.
Nessun commento:
Posta un commento