 |
| ’E mmane d’ ’e ccriature so’ comme ’e ppagnuttelle |
’E MMANE D’ ’E CCRIATURE
di Claudio Pennino
’E mmane d’ ’e ccriature
so’ comme ’e ppagnuttelle:
tutte ’e stessi mmesure,
e chiene ’e fussetelle.
Quanno t’ ’e ssiente nfaccia,
’sti ppenne ’e passariello,
pare ca dint’ ’e bbraccia
t’astrigne ’o Bammeniello.
E vuò turnà criaturo,
cu ’e mmane d’ ’a nnucenza,
ca vedeno ’int’ ’o scuro
e nun sanno ’a viulenza.
Ma smòveno muntagne,
arapeno furtezze...
Tutto se sana e cagne
cu’ ’a forza d’ ’e ccarezze.
’E mmane d’ ’e ccriature
so’ ppalummelle rosa...
sanno caccià ’e ppaure
’e chi nun arreposa.
Parlano cu ’e ddetelle...
Na mana stesa chiamma:
chi cerca ’e ccaramelle,
chi va truvanno ’a mamma.
E comme so’ bbellelle,
quanno, cu ’e pugne nchiuse,
s’asciuttano ’e ffaccelle
scerianno ll’uocchie nfuse.
Tanno vonno nu vaso
pe sanà nu detillo.
Chi vo afferrarte ’o naso...
chi ’a faccia a pezzechillo.
E quanno ’e ssiente nfaccia,
’sti ppenne ’e passariello,
pare ca dint’ ’e bbraccia
t’astrigne ’o Bammeniello.
(da Vela ’e penziere, 1999)
Una poesia che non dimenticherò diceva:
RispondiElimina" 'e ccarezze so 'e vase d''e mmane "
e io aggiungo che nulla vale il calore di una mano sincera...
e ti tendo, francamente, la mia...
Franco Piscopo
Questa stupenda poesia del grande Claudio, amico mio, l'ho vissuta in questi giorni andando a trovare la mia nipotina che vive, purtroppo molto lontano, si la sensazione di quelle "manelle" è proprio come dice Claudio....
RispondiElimina